മലയാളി പ്രേക്ഷകർക്ക് മെഗാസ്റ്റാറും സൂപ്പർസ്റ്റാറും വേഷമിട്ട പോക്കിരിരാജ, കാസിനോവ തുടങ്ങിയ ചിത്രങ്ങളിലൂടെ സുപരിചിതയായി മാറിയ താരമാണ് നടി ശ്രിയ ശരൺ. മ്യൂസിക് ആൽബങ്ങളിലൂടെ ആയിരുന്നു ശ്രിയ തൻറെ അഭിനയ ജീവിതത്തിന് തുടക്കം കുറിക്കുന്നത്. പിന്നീട് തെലുങ്കു , തമിഴ് , ഹിന്ദി ഭാഷ ചിത്രങ്ങളിൽ നായിക വേഷങ്ങളിൽ തിളങ്ങി. 2001ൽ റിലീസ് ചെയ്ത തെലുങ്ക് ചിത്രം ഇഷ്ടം ആയിരുന്നു അരങ്ങേറ്റം ചിത്രം. അഭിനയരംഗത്ത് ശോഭിക്കുവാൻ തുടങ്ങിയത് തൊട്ടടുത്ത വർഷം പുറത്തിറങ്ങിയ നുവ്വെ നുവ്വെ എന്ന ചിത്രം വാണിജ്യ വിജയം നേടിയതോടെ ആണ്.
ഹിന്ദിയിലും തമിഴിലും 2003 ൽ താരം അരങ്ങേറ്റം കുറിച്ചു. തമിഴിലെ ആദ്യ ചിത്രം എനക്ക് 20 ഉനക്ക് 18 എന്നതായിരുന്നു എങ്കിലും ഇത് വേണ്ടത്ര ശ്രദ്ധ നേടിയില്ല. രജനീകാന്തിന്റെ നായികയായി 2006 ൽ ശിവജിയിൽ വേഷമിട്ടതോടെയാണ് ശ്രിയ തമിഴ് ചലച്ചിത്രരംഗം പിടിച്ചടക്കിയത്. പിന്നീട് നിരവധി ചിത്രങ്ങളാണ് തമിഴ് , തെലുങ്കു , ഹിന്ദി ഭാഷകളിൽ നിന്നായി താരത്തിന് വന്നു ചേർന്നത്. ഇംഗ്ലീഷ് , മലയാളം, കന്നഡ ഭാഷാ ചിത്രങ്ങളിലും ശ്രിയ തൻറെ സാന്നിധ്യം അറിയിച്ചിരുന്നു. മലയാളി പ്രേക്ഷകർ ഇരുകൈയും നീട്ടിയാണ പോക്കിരിരാജയിലെ അശ്വതി എന്ന കഥാപാത്രത്തെയും കാസിനോവയിലെ സമീറ എന്ന കഥാപാത്രത്തെയും സ്വീകരിച്ചത് . ശ്രിയയുടെ പുതിയ പ്രൊജക്ടുകൾ കബ്സ എന്ന കന്നട ചിത്രവും മ്യൂസിക് സ്കൂൾ എന്ന ഹിന്ദി , തെലുങ്ക് ദ്വിഭാഷ ചിത്രവുമാണ് .
ഇന്നും ആരാധകരെ 40 കാരിയായ ഈ താരം തൻറെ അഭിനയ മികവുകൊണ്ടും സൗന്ദര്യം കൊണ്ടും ഞെട്ടിക്കുകയാണ്. ശ്രിയ തന്റെ ഇൻസ്റ്റാഗ്രാം അക്കൗണ്ടിലൂടെ പങ്കുവെച്ച പുത്തൻ ഫോട്ടോ ഷൂട്ട് ചിത്രങ്ങളാണ് ഇപ്പോൾ പ്രേക്ഷകർ ഏറ്റെടുത്തിരിക്കുന്നത്. സാരിയിൽ അതീവ ഗ്ലാമറാസ് ആയാണ് ശ്രിയ പ്രത്യക്ഷപ്പെട്ടിരിക്കുന്നത്. നിരവധി ആരാധകരാണ് ശ്രിയയുടെ ഈ ചിത്രങ്ങൾക്ക് താഴെ കമൻറ് നൽകിയിട്ടുള്ളത്. സിത്താര കുടിഗെ ബ്രാൻഡിന്റേതാണ് താരത്തിന്റെ കോസ്റ്റ്യൂം. എൻറെ പ്രിയപ്പെട്ട വസ്ത്രം ധരിക്കുന്നു എന്ന് കുറിച്ച് കൊണ്ടാണ് താരം ചിത്രങ്ങൾ പോസ്റ്റ് ചെയ്തിട്ടുള്ളത്. മുകേഷ് പാട്ടീൽ അണ് താരത്തെ മേക്കപ്പ് ചെയ്തിട്ടുള്ളത്. ഹെയർ സ്റ്റൈലിംഗ് നിർവഹിച്ചിട്ടുള്ളത് പ്രിയങ്ക ഷെർക്കർ ആണ് .