മലയാള ചലച്ചിത്ര രംഗത്തേക്ക് ബാലതാരമായി രംഗപ്രവേശനം ചെയ്തു ശ്രദ്ധിക്കപ്പെട്ട താര സുന്ദരിയാണ് നടി നന്ദന വർമ്മ . രഞ്ജിത്ത് സംവിധാനം ചെയ്ത് 2012 ൽ റിലീസ് ചെയ്ത സ്പിരിറ്റ് എന്ന മോഹൻലാൽ ചിത്രത്തിലൂടെ ബാലതാരമായി അഭിനയിച്ചു കൊണ്ടായിരുന്നു നന്ദനയുടെ മലയാള സിനിമയിലേക്കുള്ള ചുവട് വയ്പ്പ്. നന്ദനയ്ക്ക് ആദ്യ ചിത്രത്തിന് ശേഷം നിരവധി അവസരങ്ങൾ വന്നെത്തി. പ്രേക്ഷകർ തിരിച്ചറിയാൻ തുടങ്ങിയത് അയാളും ഞാനും തമ്മിൽ എന്ന ചിത്രത്തിലെ പ്രകടത്തിന് ശേഷമാണ് .
അതിന് ശേഷം 1983, റിംഗ് മാസ്റ്റർ, മിലി, പോളേട്ടന്റെ വീട്, ഗപ്പി, സൺഡേ ഹോളിഡേ , ആകാശമിഠായി, മഴയത്ത്, മൊഹബത്തിൽ കുഞ്ഞബ്ദുള്ള, വാങ്ക്, അഞ്ചാം പാതിര തുടങ്ങി ചിത്രങ്ങളിൽ ചെറുതും വലുതുമായ വേഷങ്ങളിൽ നന്ദന ശോഭിച്ചു. മികച്ച പ്രേക്ഷക പ്രതികരണം നേടിയ താരത്തിന്റെ ചിത്രമാണ് 2016 ൽ പുറത്തിറങ്ങിയ ഗപ്പി .
ഈ ചിത്രത്തിലെ ആമിന എന്ന താരത്തിന്റെ കഥാപാത്രം കരിയറിൽ വഴിത്തിരിവായി മാറി. താരത്തിന്റെ കരിയറിലെ മികച്ച ഒരു വേഷമാണ് ഗപ്പിയിലെ ആമിന. നന്ദന അവസാനമായി അഭിനയിച്ചത് പൃഥിരാജ് പ്രധാന വേഷം ചെയ്ത ഭ്രമം ആണ്. തമിഴ് ചലച്ചിത്ര രംഗത്തും നന്ദന തന്റെ സാന്നിധ്യം അറിയിച്ചു. 2020 ൽ പുറത്തിറങ്ങിയ രാജവ്ക്ക് ചെക്ക് എന്ന ചിത്രത്തിലൂടെ ആയിരുന്നു അരങ്ങേറ്റം .
നന്ദനയും മറ്റ് നായികമാരെ പോലെ സോഷ്യൽ മീഡിയയിലെ സജീവ താരമാണ് . തന്റെ നിരവധി ഫോട്ടോ ഷൂട്ട് ചിത്രങ്ങളും വീഡിയോസും ആണ് നന്ദന ആരാധകർക്കായി സാമൂഹ്യ മാധ്യമങ്ങളിൽ പങ്കുവയ്ക്കാറുള്ളത്. ഇപ്പോഴിതാ നന്ദന തന്റെ ഇൻസ്റ്റഗ്രാം അക്കൗണ്ടിൽ പങ്കുവച്ച പുതിയ ഫോട്ടോഷൂട്ട് ചിത്രങ്ങളാണ് പ്രേക്ഷകശ്രദ്ധ നേടുന്നത് . റെഡ് കളർ സ്ലീവ് ലെസ് ബ്ലൗസും പാവാടയും ധരിച്ച് ഗ്ലാമറസ് ആയാണ് താരം ചിത്രങ്ങൾക്ക് പോസ് ചെയ്തത്. ദേവ്രാഗിന്റേതാണ് വേഷം. സ്റ്റൈലിംഗ് നിർവഹിച്ചത് അരുൺ ദേവ് ആണ്. താരത്തെ മേക്കപ്പ് ചെയ്തത് വികാസും ഹെയർ സ്റ്റൈലിംഗ് നിർവഹിച്ചിട്ടുള്ളത് നിഖിലും ആണ്. ദയോൻ ജോസഫ് ചക്കുങ്കൽ ആണ് താരത്തിന്റെ ചിത്രങ്ങൾ പകർത്തിയിട്ടുള്ളത്.