സിനിമ ലോകത്തേക്ക് തന്റെ മൂന്നാം വയസ്സിൽ എത്തിപ്പെട്ട ഒരു കൊച്ചു താരമായിരുന്നു നടി അനിഖ സുരേന്ദ്രൻ . വളരെ ചെറിയ പ്രായത്തിൽ തന്നെ ചില മലയാള ചിത്രങ്ങളുടെ ഭാഗമായ ഈ താരം പ്രേക്ഷക മനസ്സുകളിൽ വലിയൊരു സ്ഥാനം തന്നെയാണ് നേടിയെടുത്തത്. ഛോട്ടാ മുംബൈ എന്ന 2007ൽ പുറത്തിറങ്ങിയ ചിത്രത്തിൽ മോഹൻലാലിൻറെ മകളുടെ വേഷം ചെയ്തുകൊണ്ട് ചെറിയൊരു സീനിൽ പ്രത്യക്ഷപ്പെട്ടു. പിന്നീട് മൂന്നു വർഷങ്ങൾക്കു ശേഷം കഥ തുടരുന്നു എന്ന സത്യൻ അന്തിക്കാടിന്റെ കുടുംബ ചിത്രത്തിലൂടെ അനിഖ അഭിനയ ലോകത്ത് സജീവമാകാൻ ആരംഭിച്ചു.
ഈ ചിത്രത്തിൽ തുടക്കം മുതൽ അവസാനം വരെ ചിത്രത്തിൽ ഉടനീളമുള്ള ഒരു കഥാപാത്രത്തെയാണ് അനിഖയ്ക്ക് ലഭിച്ചത്. മംമ്തയുടെ മകളുടെ വേഷത്തിൽ ആണ് ഈ കൊച്ചു താരം അന്ന് വേഷമിട്ടത്. പിന്നീട് നിരവധി മലയാള ചിത്രങ്ങളിൽ ബാലതാരമായി അനിഖ അഭിനയിച്ചു. ഫോർ ഫ്രണ്ട്സ്, റേസ്, ബാവൂട്ടിയുടെ നാമത്തിൽ, 5 സുന്ദരികൾ, നീലാകാശം പച്ചക്കടൽ ചുവന്ന ഭൂമി , ഭാസ്കർ ദി റാസ്കൽ, ദ ഗ്രേറ്റ് ഫാദർ , ജോണി ജോണി എസ് അപ്പാ തുടങ്ങിയവയാണ് ആ ചിത്രങ്ങൾ . ഇവയിൽ 5 സുന്ദരികൾ എന്ന സിനിമയിലെ പ്രകടനത്തിന് ഭാരതാരത്തിനുള്ള സംസ്ഥാന അവാർഡും അനിഖ സ്വന്തമാക്കി.
മലയാളത്തിൽ സജീവമായി കൊണ്ടിരുന്ന സമയത്ത് തന്നെ താരം തമിഴിലേക്കും ചുവടുവെച്ചു. 2015 മുതൽക്കാണ് തമിഴ് ചലച്ചിത്രരംഗത്ത് താരം സജീവമാകുന്നത്. യെനൈ അറിന്താൽ , മിരുതൻ , വിശ്വാസം തുടങ്ങിയ തമിഴ് ചിത്രങ്ങളിലൂടെ ഒട്ടേറെ തമിഴ് ആരാധകരെ സ്വന്തമാക്കാനും അനിഖയ്ക്ക് സാധിച്ചു . ഏറെക്കാലമായി ബാലതാര വേഷത്തിൽ മാത്രം പ്രേക്ഷകർ കണ്ട ഈ താരത്തിന്റെ നായികയായി ഉള്ള രംഗപ്രവേശനത്തിനായി ആരാധകർ ആകാംക്ഷയോടെ കാത്തിരിക്കുകയായിരുന്നു.
പക്ഷേ താരം നായികയായി അരങ്ങേറ്റം കുറിച്ചത് ഒരു തെലുങ്ക് ചിത്രത്തിലാണ്. കപ്പേള എന്ന മലയാള ചിത്രത്തിൻറെ തെലുങ്ക് റീമേക്ക് ആണ് നായികയായി അനിഖ വേഷമിട്ടത്. ഈ ചിത്രം ഫെബ്രുവരി 4നാണ് പ്രദർശനത്തിനെത്തിയത്. ഇപ്പോഴിതാ താരം നായികയാകുന്ന ഒരു മലയാള ചിത്രം റിലീസിനായി ഒരുങ്ങി നിൽക്കുകയാണ്. ഓ മൈ ഡാർലിംഗ് എന്ന ചിത്രത്തിലാണ് താരം നായികയാകുന്നത്. മലയാളത്തിലും തമിഴിലുമായി മൂന്നോളം ചിത്രങ്ങൾ താരത്തിന്റെതായി ഒരുങ്ങിക്കൊണ്ടിരിക്കുകയാണ്.
അനിഖയും സോഷ്യൽ മീഡിയയിലെ ഒരു സജീവതാരമാണ് . ഇൻസ്റ്റാഗ്രാമാണ് താരവും കൂടുതലായി ഉപയോഗിക്കാറുള്ളത്. തൻറെ ഫോട്ടോസ് ആണ് ഇതിലൂടെ അനിഖ കൂടുതലായും പങ്കുവെക്കാറുള്ളത്. ഇപ്പോഴിതാ താരം തന്നെ ഇൻസ്റ്റഗ്രാം അക്കൗണ്ടിലൂടെ പോസ്റ്റ് ചെയ്ത പുത്തൻ ചിത്രങ്ങളാണ് പ്രേക്ഷകർ ഏറ്റെടുത്തിരിക്കുന്നത്. പ്രിൻറ്ഡ് വീ നെക്ക് ഫ്രോക്ക് ധരിച്ച് പതിവ് പോലെ സ്റ്റൈലിഷ് ലുക്കിലാണ് ഇത്തവണയും അനിഖ എത്തിയിട്ടുള്ളത്. എ ആർ സിഗ്നേച്ചർ ബ്രാൻഡിന്റേതാണ് കോസ്റ്റ്യൂം. ചിത്രങ്ങൾ പകർത്തിയിട്ടുള്ളത് അരുൺ മാനുവൽ ആണ് .