ചെറു പ്രായത്തിൽ തന്നെ സിനിമ മേഖലയിലേക്ക് കടന്നു വരികയും മലയാളി പ്രേക്ഷക മനസ്സുകളിൽ ഇടം നേടിയെടുക്കുകയും ചെയ്ത കുട്ടി താരമായിരുന്നു നടി നയൻതാര ചക്രവർത്തി . നയൻതാര സിനിമകളിൽ സജീവമാകുന്നത് തന്റെ മൂന്നാം വയസ്സ് മുതൽക്കാണ്. നിരവധി താരങ്ങൾ അണിനിരന്ന കിലുക്കം കിലുകിലുക്കം എന്ന ചിത്രത്തിലൂടെയായിരുന്നു ബേബി നയൻതാരയുടെ അരങ്ങേറ്റം. ചിത്രം വേണ്ടത്ര ശ്രദ്ധ നേടിയില്ല എങ്കിലും ഈ ചിത്രത്തിലെ ടിങ്കുമോൾ എന്ന ബേബി നയൻതാരയുടെ റോൾ ഏറെ ശ്രദ്ധിക്കപ്പെട്ടു. 2006ൽ പുറത്തിറങ്ങിയ ഈ ചിത്രത്തിനു ശേഷം നിരവധി അവസരങ്ങൾ ഈ കുട്ടി താരത്തിന് വന്നെത്തി.
അച്ഛൻ ഉറങ്ങാത്ത വീട്, നോട്ടുബുക്ക്, അതിശയൻ , ചെസ്സ് , കനക സിംഹാസനം, ഇൻസ്പെക്ടർ ഗരുഡ്, ക്രേസി ഗോപാലൻ, ഈ പട്ടണത്തിൽ ഭൂതം, കങ്കാരു , ട്വൻറി 20, തിരക്കഥ , ലൗഡ് സ്പീക്കർ, നായിക, ട്രിവാൻഡ്രം ലോഡ്ജ് തുടങ്ങി ശ്രദ്ധേയ ചിത്രങ്ങളിൽ നയൻതാര ചക്രവർത്തി ബാലതാരമായി പ്രത്യക്ഷപ്പെട്ടിരുന്നു. താരം അവസാനമായി അഭിനയിച്ചത് 2016 ൽ പുറത്തിറങ്ങിയ മറുപടി എന്ന സിനിമയിലാണ്. അന്ന് അഭിനയത്തോട് താൽക്കാലികമായി വിട പറഞ്ഞ താരം ഇനി നായികയായി രംഗപ്രവേശനം ചെയ്യും എന്ന പ്രതീക്ഷയിൽ ആയിരുന്നു ആരാധകർ.
നയൻതാര നായികയായി എത്തുന്നു എന്നുള്ള വാർത്തകൾ കുറച്ച് കാലം സോഷ്യൽ മീഡിയയിൽ നിറഞ്ഞു നിന്നിരുന്നു. തമിഴ് തെലുങ്കു ഭാഷാ ചിത്രങ്ങളിൽ നിന്നായി നിരവധി അവസരങ്ങൾ തനിക്ക് വരുന്നുണ്ട് എന്ന കാര്യം നയൻതാര തന്നെ ഒരിക്കൽ വ്യക്തമാക്കിയിരുന്നു. തമിഴ് ചിത്രം ജന്റിൽമാന്റെ രണ്ടാം ഭാഗത്തിൽ നയൻതാര അഭിനയിക്കുന്നുണ്ട് എന്ന വാർത്തകളും സോഷ്യൽ മീഡിയയിൽ ചൂട് പിടിച്ചിരുന്നു.
ഏഴ് വർഷത്തോളമായി നയൻതാര അഭിനയ രംഗത്ത് സജീവമല്ല എങ്കിലും പ്രേക്ഷക ഹൃദയങ്ങളിൽ ഇന്നും താരത്തിന് നല്ലൊരു സ്ഥാനമുണ്ട്. സോഷ്യൽ മീഡിയ പ്ലാറ്റ്ഫോമുകളിൽ സജീവമായതുകൊണ്ട് തന്നെ ഈ താരത്തെ പ്രേക്ഷകർ മറന്നില്ല. മറ്റ് താരങ്ങളെപ്പോലെ തന്നെ നയൻതാര തന്റെ നിരവധി ചിത്രങ്ങളും വീഡിയോകളും സോഷ്യൽ മീഡിയയിൽ പങ്കു വയ്ക്കാറുണ്ട്. ഇപ്പോൾ താരം പോസ്റ്റ് ചെയ്തിട്ടുള്ള പുത്തൻ ചിത്രങ്ങളാണ് നയൻതാരയുടെ ആരാധകർ ഏറ്റെടുത്തിരിക്കുന്നത്. ഓറഞ്ച് കളർ ക്രോപ്ടോപ്പും വൈറ്റ് കളർ സ്‌കേർട്ടും ധരിച്ച് സ്റ്റൈലിഷ് ആയാണ് താരം പ്രത്യക്ഷപ്പെട്ടിരിക്കുന്നത്. റോജൻ നാഥ് ആണ് നയൻതാരയുടെ ചിത്രങ്ങൾ പകർത്തിയിട്ടുള്ളത്.
