ബിഗ്സ്ക്രീനിലും മിനിസ്‌ക്രീനിലുമായി ഒരുപോലെ തിളങ്ങി നിൽക്കുന്ന നായികയാണ് സ്വാസിക. സീത എന്ന ടെലിവിഷൻ സീരിയലിലൂടെ പ്രേക്ഷക മനസ്സിൽ ഇടം നേടിയ സ്വാസിക നിരവധി ചിത്രങ്ങളില്‍ നായികയായും സഹനടിയായുമെല്ലാം അഭിനയിച്ചിട്ടുണ്ട്. തമിഴ് സിനിമയിലൂടെയായിരുന്നു സ്വാസികയുടെ സിനിമാരംഗത്തേയ്ക്കുളള ചുവടുവെപ്പ്. എന്നാൽ താരത്തിന്റെ കരിയർ മാറ്റിമറിച്ചതിനുളള കാരണം സീത എന്ന സീരിയലാണ്. കുട്ടികാലം മുതൽക്കെ അഭിനയം എന്ന ആഗ്രഹം കൊണ്ടുനടന്ന താരം കൊച്ചിയിൽ വെച്ചുനടന്ന ഒരു തമിഴ് ചിത്രത്തിന്റെ ഓഡിഷനിൽ പങ്കെടുത്താണ് സിനിമയിലേക്ക് കടന്നുവന്നത്. വൈഗൈ എന്ന തമിഴ് സിനിമയിലൂടെയാണ് സ്വാസിക സിനിമാലോകത്തേക്ക് എത്തുന്നത്.
തമിഴിൽ കുറച്ചധികം സിനിമ ചെയ്ത ശേഷമാണ് സ്വാസിക പിന്നീട് മലയാളത്തിലേക്ക് എത്തിയത്. നൃത്തം, പാട്ട് എന്നീ മേഖലയിലും സ്വാസിക തന്റെ കഴിവ് തെളിയിച്ചുകഴിഞ്ഞു. ഇപ്പോഴിതാ താരം ഒരു ഓൺലൈൻ മാധ്യമത്തിലൂടെ നൽകിയ അഭിമുഖത്തിൽ തന്റെ പ്രണയത്തെ പറ്റി വെളിപ്പെടുത്തിയിരിയ്ക്കുകയാണ്. മുന്‍പ് ഒരു പ്രണയമുണ്ടായിരുന്നുവെന്നും അത് നഷ്ടപ്പെട്ടിട്ടും ആ പ്രണയം ഇപ്പോഴും മനസ്സിലുണ്ടെന്നും എന്നാൽ ഇപ്പോൾ പ്രണയിക്കാൻ തനിക്ക് ആരുമില്ലായെന്നും താരം വ്യക്തമാക്കി.
സ്കൂളിൽ പഠിക്കുമ്പോൾ വീട്ടിൽ നിന്നും പൈസ മോഷ്ടിച്ച് ആ പൈസ ഉപയോഗിച്ച് സ്കൂൾ വിട്ടു വരുമ്പോൾ കൂട്ടുകാരുമൊത്ത് പഫ്‌സും നാരങ്ങാവെള്ളവും വാങ്ങി കഴിക്കാറുണ്ടെന്നും താരം പറഞ്ഞു. സങ്കൽപ്പത്തിലെ ഭർത്താവിനെ കുറിച്ചുള്ള സങ്കല്പങ്ങള്‍ ചോദിച്ചപ്പോൾ തന്നെ ഡോമിനേറ്റ് ചെയ്യുന്ന ഒരു ഒരാൾ ആയിരിക്കണമെന്നും തന്റെ കരിയറിനെ സപ്പോർട്ട് ചെയ്യുന്ന ഒരു ഭർത്താവ് ആയിരിക്കണമെന്നും സ്വാസിക വെളിപ്പെടുത്തി.
Video courtsey: Skylark pictures
