ലോകമെങ്ങും കൊറോണയുടെ ഭീതിയിലാണ്. രാജ്യമെമ്പാടും കൊറോണ വ്യാപിച്ചുകൊണ്ടിരിയ്ക്കുമ്പോള് ഹോളി ആഘോഷിക്കുന്ന തിരക്കിലാണ് ബോളിവുഡ് താരങ്ങള്. ഹോളി ആഘോഷങ്ങളിലെ താരങ്ങളുടെ ചിത്രങ്ങളും വീഡിയോകളും എലാം സോഷ്യല് മീഡിയയിൽ ശ്രദ്ധ നേടുകയാണ്. ബോളിവുഡിലെ പ്രിയ താരങ്ങളായ സണ്ണിലിയോണ്, വിദ്യാബാലന്, പ്രിയങ്കചോപ്ര തുടങ്ങിയവർ തങ്ങളുടെ ഇന്സ്റ്റഗ്രാം പേജിലൂടെ കുടുംബത്തിനൊപ്പം ഹോളി ആഘോഷിക്കുന്ന ചിത്രങ്ങളാണ് ആരാധകര്ക്ക് മുന്പില് പങ്കുവെച്ചിട്ടുളളത്. ഉത്തരേന്ത്യയിൽ വസന്തകാലം വരവേൽക്കുന്ന ഹോളി ആഘോഷം ഗംഭീരമായാണ് താരങ്ങൾ ആഘോഷിക്കുന്നത്. യൂട്യൂബിലും ഇന്സ്റ്റഗ്രാമിലുമായി സെലിബ്രിറ്റികളുടെ ചിത്രങ്ങളും വീഡിയോകളും ആരാധകര് വൈറലാക്കുകയാണ്.